१०० वर्षातील नोंंदी

मालवण एज्युकेशन सोसायटी संचालित
अ. शि. दे. टोपीवाला हायस्कूल , मालवण
गेल्या १००वर्षातील काही ठळक नोंदी

१० एप्रिल १९११ : टोपीवाला हायस्कूल ही शाळा सुरू झाली.
११ मे १९१२ : जिल्हाधिकारी श्री. एच. बी. क्लीटन यांनी मुख्य इमारतीच्या पायाचा दगड बसविला.
सन १९१२ : शाळेला सरकारी मान्यता मिळाली व १९१३ पासून सरकारी अनुदान मिळण्यास प्रारंभ झाला.
३१ मार्च१९१३ : मालवणच्या जनतेने अनंत शिवाजी देसाई टोपीवाले यांना कृतज्ञतापूर्वक मानपत्र अर्पण केले.
९ एप्रिल १९१५ : जिल्हाधिकारी श्री. जे. अे. मदन यांच्या अध्यक्षतेखाली मॅनेजींग बोर्डाची पहिली सभा संपन्न झाली.
सन १९१६ : संस्थेच्या घटनेस कायदेशीर मान्यता मिळाली.
जून १९१७ : टोपीवाला हायस्कूलची मुख्य इमारत बांधून पूर्ण झाली. जून १९१७ पासून या नव्या प्रशस्त इमारतीस वर्ग भरू लागले.
जून१९१७ : अनंत शिवाजी देसाई टोपीवाले यांना सरकारने रावबहादुर पदवी देऊन त्यांच्या सार्वजनिक कार्याविषयीची गुणग्राहकता व्यक्त केली.
२३ सप्टेंबर १९१८ : मालवण एज्युकेशन सोसायटी रजिस्टर्ड संस्था बनली. तत्पूर्वी १९१५ मध्ये संस्थेची स्थापना.
१९१९ : श्री. विष्णू भिकाजी खंडाळेकर यांचे नावे श्री. दत्तात्रय विनायक खांडाळेकर यांच्या देणगीतून विज्ञानप्रयोगशाळा बांधण्यात आली.
१५एप्रिल १९२१ : अनंत शिवाजी देसाई टोपीवाले यांचे निधन झाले.
४ एप्रिल १९२४ : तत्कालीन मुख्ययाध्यापक स्व. रा. भि. परूळेकर यांनी टोपीवाला हायस्कूलमध्ये सुरू केलेल्या बी. टी. परीक्षेच्या ट्रेनींग क्लासला मुंबई विदयापीठाची संमती मिळाली.
सन १९२५ : टोपीवाला हायस्कूलच्या इमारतीत प्राथमिक प्रमाणपत्र परीक्षेचे केंद्र सुरू झाले व दक्षिण रत्नागिरी मधील मुलांची सोय झाली.
सन १९२६ व १९२७ : कार्यालयाची इमारत, ड्राॅईंग हाॅल , सुतारकाम वर्ग बांधण्यात आले.
१९३१-१९३२ : बोडींग ग्राऊंड येथे वसतिगृहासाठी २ इमारती बांंधण्यात आल्या.
सन १९३३ : श्री. नारायणराव अनंत देसाई टोपीवाले यांचे निधन.
सन १९३७ – १९३८ : बोडींग ग्राऊंड येथे सुपरिटेंडेन्ट यांच्यासाठी स्वतंत्र बंगला बांधण्यात आला.
१ मार्च १९५२ : टोपीवाला हायस्कूलच्या आवारात प्राथमिक शाळा (इयत्ता १ ली ते ४ थी ) सुरू करण्यात आली.
डिसेंबर १९५३ : रत्नागिरी जिल्हाधिकारी हे संस्थेचे पदसिध्द अध्यक्ष आतापर्यंत होते, तथापि सरकारने संस्थेच्या घटनेत दुरूस्ती करून जिल्हाधिकारी यांचे ऐवजी जिल्हा शिक्षणाधिकारी यांची संस्थेचे अध्यक्ष म्हणून नियुक्ती केली.
इ. स. १९५४ : रत्नागिरी जिल्हा माध्यमिक शिक्षण संस्था संघाचे अधिवेशन संपन्न झाले.
मार्च१९५५ : टोपीवाला हायस्कूलमध्ये एस. एस. सी. परीक्षेचे केंद्र सुरू करण्यात आले.
११ जानेवारी १९५८ : टोपीवाला हायस्कूलमध्ये वक्तृत्व मंडळ , वाङमयमंडळ, शास्त्रमंडळ, कलामंडळ अशा मंडळाची स्थापना झाली.
सन १९५८ : शाळेच्या आवारात उभारलेल्या मंडपात महाराष्ट्र साहित्य संमेलन संपन्न झाले.
१८ डिसेंबर १९६० : शाळेचे माजी विद्यार्थी व भारताचे तत्कालीन कृषी व अन्नमंत्री नाम. स. का. पाटील यांनी शाळेला भेट दिली.
१७ एप्रिल १९६१ : महाराष्ट्र राज्याचे भूतपूर्व मुख्यमंत्री व भारत सरकारचे संरक्षण मंत्री ना. यशवंतराव चव्हाण यांनी शाळेला भेट दिली.
२० जून १९६३ : विद्यालयात एस. टी. सी. इन्स्टिटयूटची स्थापना. सन १९६५ एस. एस. सी परीक्षेत कुमार शरद म. परूळेकर महाराष्ट्रात २० व्या क्रमांकाने उत्तीर्ण झाला.
सन १९६३ : मान. श्री. स. का. पाटील यांच्या अध्यक्षतेखाली विद्यालयाचा सुवर्ण महोत्सव संपन्न झाला.
जून१९६४ : शाळेत शासकीय मान्यता मिळालेली टाईपरायटींग इन्स्टिटयूट सुरू करण्यात आली. त्याचप्रमाणे हिन्दी शिक्षक सनद परीक्षेची तयारी करून घेणारे वर्ग सुरू करण्यात आले.
सन१९६८ : ‘दिगंबर स्मृती’ ही इमारत बांधण्यात आली. मान. बापूसाहेब पंतवालावलकर यांच्या देणगीतून ५ वर्गखोल्यांची नवीन प्रशस्त इमारत बांधण्यात आली.
२९,३०, एप्रिल व १ मे १९७२ : संस्थेचा हीरकमहोत्सव संपन्न झाला. गोव्याचे तत्कालीन मुख्यमंत्री मान. दयानंद बांदोडकर हे अध्यक्ष.
इ. स.१९७५ : शाळेत कला, वाणिज्य, विज्ञान विभागाचे ज्युनियर काॅलेजचे वर्ग सुरू करण्यात आले.
श्रीमंत सीताराशेठ टोपीवाले यांच्या देणगीतून रसायनशास्त्र व जीवशास्त्र विषयासाठी नवीन प्रयोगशाळा बांधण्यात आली.
गौड ब्राम्हणसभेच्या वतीने रा.ब.अनंत षिवाजी देसाई टोपीवाले यांच्या ब्राॅझचा पुतळा विद्यालयाच्या बागेत स्थापन करण्यात आला.
टोपीवाला हायस्कूलच्या माजी विद्यार्थी संघटनेने शाळेतील मुलांमुलींसाठी सुसज्ज, अद्ययावत नवीन प्रसाधनगृह बांधून दिले.
स्व. बापूसाहेब व स्व. नलिनीताई पंतवालावलकर यांच्या देणगीतून प्राथमिक शाळेसाठी नवीन इमारत व गेस्ट हाऊस बांधण्यात आले.
स्व. कमलाकर व स्व. कमलिनी झांटये यांच्या सुविद्य मुलींनी शाळेला ग्रंथालयासाठी नवीन खोली बांधून दिली.
मार्च १९८२ : टोपीवाला हायस्कूलचे नियतकालिका ‘ज्ञानज्योती’ चा पहिला अंक प्रसिध्द झाला.
१९८५ं – १९८६ : डाॅ. श्री. पंढरीनाथ प्रभू व स्व. बापूसाहेब पंतवालावलकर या दोन माजी विद्यार्थ्यांंना डाॅ. एस. एस. आजगांवकर ताम्रपत्र बहाल करून या वार्षिक उपक्रमाचा प्रारंभ करण्यात आला.
१९८७ : शाळेचा अमृतमहोत्सव स्व. दत्ता सामंत यांच्या अध्यक्षतेखाली व स्व. बापूसाहेब पंतवालावलकर यांच्या उपस्थितीत संपन्न झाला.
आॅगस्ट २००४ : मालवण एज्युकेशन सोसायटीसाठी जिल्हा न्यायालयात नवीन घटना मंजूर केली.
२००४ – २००५ : शिवाजी विद्यापीठ, कोल्हापूर यांचेषी परस्पर सामंजस्य करार करून बोडींग ग्राऊंड येथील इमारतीत ‘सागर संशोधन केंद्र’ कार्यन्वित झाले. दिनांक 26-04-2005 रोजी मान. नाम. श्री. शरदराव पवार, कृषीमंत्री, भारत सरकार यांनी या प्रकल्पाचे रीतसर उद्घाटन केले.
२००५ – २००६ : एम. जी.टी. फाऊंडेशनच्या व अन्य देणगीदारांच्या देणगीतून शाळेची संगणक प्रयोगशाळा अद्ययावत करण्यात आली.
जून २००५ : श्री. जयंतराव साळगांवकर यांच्या देणगीतून संस्थेच्या जय गणेश इंग्लीश मिडीयम स्कूलच्या पहिलीच्या वर्गाला प्रारंभ.
सौ. आरती कुलकर्णी या पत्रकार भगीनीच्या मार्गदर्शनाखाली शाळेत डाॅल्फीन क्लबची स्थापना. त्या अनुषंगाने ‘महाराष्ट्र टाईम्स’ च्या सहकार्याने काढलेल्या ‘गाज’ हा माहितीपट खूपच लोकप्रिय झाला.
दि. ११.०६.२००७ : ज्योतिर्भास्कर श्री. जयंतराव साळगांवकर यांच्या देणगीतून साकारलेल्या ‘जय गणेश इंग्लीश मिडीयम स्कूल ’ च्या नवीन इमारतीचा लोकार्पण सोहळा संपन्न झाला.
२००८-२००९ : शाळेत उच्च माध्यमिक वर्गासाठी ‘माहिती तंत्रज्ञान’ हा विषय सुरू केला. त्यासाठी मालवण फाऊंडेशन, मुंंबई, श्री. विकासशेठ टोपीवाले यांच्या देणगीतून नवीन अद्ययावत संगणक प्रयोगशाळा सुरू करण्यात आली.
२००८-२००९ : श्रीमती शालीनी मधुकर सामंत यांच्या देणगीतून नवीन प्रशासकीय इमारत बांधण्यात आली.
दि.१४ व१५ एप्रिल २०११ : शाळेचा शतकमहोत्सव सांगता सोहळा संपन्न झाला. याच दिवषी स्व. मोहनराव परूळेकर व स्व. सांगावकर गुरूजी यांचे नावे बांधण्यात आलेल्या नवीन इमारतीचे उद्घाटन झाले.